Chombezo : Kivuruge Wa Tandale Sehemu Ya Nne (4)

Salma alianza kupiga ukelele uliosababisha mashetani yangu yaamke, nikasahau kabisa kwamba muda huohuo nilikuwa nimetoka kwenye kazi nzito, nikaendelea kucheza na maembe bolibo hayo kwa ufundi wa hali ya juu.

Mashetani yalipopanda mpaka kichwani, sikuwa na simile tena, nilimnyanyua Salma na kumuweka juu ya sinki la kunawia mikono mle maliwatoni, nikalisogeza ‘kufuli’ pembeni, Salma akashtuka maana ni kama hakutegemea tukio hilo.

Sikuwa na muda wa kupoteza, nikaanza kulisakata kabumbu kwa mtindo wa pasi ndefundefu, umahiri wangu ukaonesha kumkosha sana roho Salma kwa sababu ilifika mahali akasahau kama tupo maliwatoni, tena sehemu ya wanaume, akawa anaachia miguno kwa sauti ya juu.

Nililazimika kufanya kitu ili kunusuru hali halisi, mkono wangu mmoja nikaupeleka kwenye mdomo wake na kuuziba, nikaendelea kuonesha umahiri wangu, kwa kupiga chenga za mwili, danadana, kanzu na hatimaye nikabaki mimi na mpira golini.

Nilichokifanya, nilitishia kama nataka kupiga shuti, Salma akajibinua kwa lengo la kuzuia, nikaurudisha mpira mguuni na kuukokota mpaka pembeni kidogo, nikatishia tena kama napiga, nikambabatiza Salma na kusababisha aanze kupaparika kama kuku aliyekatwa kichwa.

Hakuchukua raundi, akajifunga mwenyewe huku safari hii mkono niliouweka kwenye mdomo wake ukishindwa kufua dafu kuzuia kelele zake za kushangilia goli.

Harakaharaka nilimuinua pale juu ya karo, safari hii mwili wake ukiwa umelegea kabisa, nikafungulia bomba la maji na kumlowanisha kidogo usoni, akawa ni kama amezinduka kutoka kwenye usingizi mzito.

“Ashrafu, we mkali sana jamani, kumbe ndiyo maana wanakugombea licha ya tabia yako mbaya,” alisema kwa sauti iliyokuwa inatokea puani, nikatabasamu tu. Nilijimwagia maji harakaharaka maana mwili wote ulikuwa umelowa chapachapa, nikaona kama nikiendelea kumuendekeza Salma, huenda tukakutwa kule maliwatoni halafu uwe msala.

“Nina kazi, kama vipi baadaye,” nilisema huku nikivaa shati langu harakaharaka, nikafungua mlango na kuchungulia nje, hakukuwana mtu koridoni, nikatoka haraka na kumuacha Salma akinawa.

Nilikwenda moja kwa moja mpaka kwenye meza yangu, nikajinyoosha kwenye kiti cha kuzunguka huku nikitazama kazi kibao zilizokuwa zinanikabili, ambazo nilitakiwa kuzifanya mara tu baada ya kurejea kutoka ‘lunch’.

“Aah! Nitazifanya kesho, siwezi kufanya chochote kwa sasa,” nilisema huku nikiweka vitu vyangu vizuri. Nilijua lazima Salma akitoka kule maliwatoni, atanifuata pale kwangu, na bosi naye akizinduka kutoka usingizini, lazima pia atanifuata.

Ili kuepusha mkanganyiko, kwanza nilizima simu yangu halafu haraka nikaanza kushuka kwenye ngazi kuelekea chini, huku miguu yangu ikiwa haina nguvu kabisa, nikawa nachekacheka mwenyewe kwa jinsi nilivyofanikiwa kuwapiga ndege wawili kwa jiwe moja, tena kwenye mazingira yenye ukakasi.

“Kaka vipi? Kama vipi kesho bwana mi nasepa zangu.”

“Wapi sasa hiyo!”

“Tandale mzee, si unajua mida ya kurudisha majeshi kihomu,” nilikuwa nikizungumza na mlinzi wetu ‘sharobaro’ pale ofisini, Shija ambaye tumezoeana naye sana kutokana na haiba yake ya ucheshi.

“Sasa sikia, kuna duu alikuja kukutafuta hapa, nimepanda mpaka ofisini kwako sijakukuta, kasema kama vipi ukipata muda umpigie simu, namba yake hii hapa,” alisema Shija, nikashtuka kwa sababu sikuwa na miadi na mtu yeyote kwa muda huo.

“Ooh, tena imekuwa bahati nzuri, kumbe hakuwa ameenda mbali, yule pale anakupungia mkono,” alisema Shija huku akinionesha kwa kidole upande wa pili wa barabara, mahali palipokuwa na kigrosari cha vinywaji baridi, nikatazama huku nikiwa na shauku ya kutaka kujua ni mwanamke gani aliyekuwa akinisaka kwa udi na uvumba kiasi hicho.

Nilijikuta nikishtuka, mapigo ya moyo yakaanza kuienda mbio kwa sababu ni jambo ambalo sikulitegemea kabisa. Sikukumbuka hata kumalizana na Shija, harakaharaka nikavuka barabara kuelekea upande ule aliokuwa amekaa yule mrembo, huku nikiwa na shauku kubwa ya kutaka kusikia anataka kuniambia nini.

“Mambo kivuruge?” alinisalimia huku akitabasamu, nikashtuka amelijulia wapi jina hilo? Uso wangu ukajawa na aibu.

INAENDELEA